أعلنت شركة صينية اسمها "كايووا تكنولوجي" عن إنها شغالة على تطوير روبوت، عنده رحم صناعي بيقوم بعملية الحمل كاملة لمدة 10 شهور، بداية من تخصيب البويضة لحد لحظة الولادة الجنين.

الجنين بيتواجد داخل رحم صناعي مليان سائل أمينوسي صناعي بيوفر له بيئة آمنة شبيهة برحم الأم، وبيحصل على غذاؤه من خلال أنبوب مشابه للحبل السري الطبيعي، عشان يقدر ينمو بشكل طبيعي لحد ما يكتمل.

النموذج التجريبي الأول للروبوت هيتطرح في السوق سنة 2026، وسعره هيكون أقل من 100 ألف يوان (حوالي 13,900 دولار).

الإعلان عن الروبوت عمل جدل كبير في الصين، وفي ناس شايفاه أمل جديد للطب الإنجابي، وناس تانية قلقة من آثاره الأخلاقية والقانونية، وعلى كل حال الفكرة لسه بنتناقش هناك، علشان يحددوا القوانين والضوابط المناسبة ليها.