مش كل المحتوى على مواقع التواصل الاجتماعي مضيعة للوقت، بالعكس، لو دورت هتتفاجئ بصناع محتوى وراهم قصص إنسانية بسيطة في شكلها، لكنها عميقة في تأثيرها، ومن ضمنها قصة قناة على يوتيوب قدرت توصل إحساس أبوي حقيقي لناس كتير حوالين العالم.

قناة "Dad, How Do I?" أو "بابا، أعمل ده إزاي" على يوتيوب انشائها "روب كيني" (Rob Kenney) في 1 أبريل 2020، وبدأ أول فيديو فيها تقريبًا في نفس الفترة.

الفكرة جت من تجربة شخصية مؤثرة جدًا عنده؛ روب والده سابه وهو طفل عنده حوالي 14 سنة، فكبر وهو حاسس إنه ما اتعلمش حاجات أساسية في الحياة كانت المفروض تتقال من أب لابنه.

ومع الوقت، قرر إنه يعوض ده لناس تانية ممكن تكون عايشة نفس الإحساس، القناة ببساطة بتقدم فيديوهات قصيرة كأنها أب بيشرح لأولاده مهارات حياتية يومية زي الحلاقة، ربط الكرافتة، تصليح حاجات في البيت، تغيير كاوتش العربية، الطبخ، وإدارة الفلوس.

القناة موجودة على موقع يوتيوب واسمها: "Dad, how do I"، وعليها فيديوهات بسيطة ومفيدة. (القناة هنا)