"لكل المرات اللي اتحدفنا فيها بالشبشب، بنقدملكم أخيرًا شبشب مش هينفع يتحدف تاني!" جماعة ده إعلان حقيقي لإصدار مختلف من الشبشب الشهير موجود دلوقتي في السوق، عايزين تعرفوا إيه الحكاية بالظبط؟ تابعوا السطور الجاية.
للي ميعرفوش أو للمحظوظين اللي مجربوش، الشبشب ده ماكنش مجرد شبشب عادي لأ، ولا انتشاره في معظم بيوتنا زمان كان من فراغ، دوره تطور وكان سلاح بتستخدمه الأمهات وقت اللزوم، وكان بيتألق في أوقات ومواقف كتير، بس وقت المذاكرة كان بيعمل شغل عالي، وزي ما تقول كده رفعة الشبشب ده بالذات مع سرعه حدفه، كانت بتزود القدرة على الاستيعاب والفهم، أجيال كتير اتخرجت وخدت شهادات بتوقيع الشبشب العجيب.
وعلشان ياخدوا حق كل شاب وفتاة عانوا في زمن الشبشب ومعرفوش ياخدوا ساتر، الشباب في "كايرو بوليتان" صمموا مشاية أرضية بنفس شكل ولون الشبشب، والأهم إنه مبطن من بخامات طرية ومصنوع يدويًا، يعني من الآخر مش هينفع تتحدف بيه تاني!
سعر المنتج حسب إعلان الموقع: 6200 جنيه، تقدروا تشتروه من هنا.
بـ 500 جنيه يا بلاش.. تراب القاهرة بيتباع في أزايز
