كوكب اليايان الشقيق، مابيبطلش يبهرنا بافتكاساته، وعلشان يعلنوا عن مدى اهتمامهم براحة الشعب الياباني والشعوب المجاورة، ابتكرت شركة ملابس يابانية، مؤخرًا، "بين باج" يسمح بارتداؤه! يعني إيه الكلام ده؟

ببساطة، القصة كلها بدل ما كنت متعود تشتري كرسي "بين باج"، وتريح جسمك عليه من قعدة الكراسي، دلوقتي تقدر تدخل بنفسك جوه الاختراع ده، وتمشي بيه، ومنين ما تلاقي المكان اللي يعجبك أقعد.

الشركة المصنعة قالت إنها استوحت الفكرة، من فكرة المخدات الكبيرة واللي تقدر تحضنها وأنت نايم، علشان متحسش بالوحدة، بس المرة دي على شكل كرسي هياخدك لمستوايات عالية من الراحة.