في واقعة طريفة وغريبة حصلت في الهند، وهي إن زوجة قدمت شكوى رسمية ضد جوزها في مركز الشرطة النساء، والسبب؟ إنه بيجبرها تعمل شغل البيت كتير بدون مساعدتها، لدرجة إنها ما بقتش تلاقي وقت تصور فيه فيديوهات ريلز على إنستجرام!

الزوجة قالت إنها موظفة، يعني بتشتغل برا البيت، ورغم كده كانت بتضطر ترجع تطبخ وتنضف وتغسل من غير أي مساعدة من جوزها.

ووضحت عدم مساعدة زوجها ليها في شغل البيت، سبب تراجعها عن تصوير فيديوهاتها اليومية، خاصة إنها كانت بتنشر مقطعين فيديو على الأقل يوميًا على إنستجرام، ولما بدأت تخسر متابعين بسبب قلة نشاطها، سابت البيت ورجعت بين أهلها.

مش بس كده، توجهت لقسم الشرطة، وقدمت شكوى ضد زوجها، قالت فيها إنه بيحرمها من وقتها الشخصي، وإنها خدت قرار تبعد لأنها فقدت متابعين بسبب شغل البيت!

المفاجأة؟ إن جوزها كمان قدم فيها شكوى، وقال إنها طول الوقت مشغولة على الإنترنت ومش مهتمة ببيتها!

والأصعب بقى إن المشاكل اللي حصلت بينهم، فقد بسببها الزوج وظيفته، وبدأ يدور على وظيفة جديدة يكسب منها، ولكن الزوجين الأمور بينهم بقت أحسن وبيحاولوا يتأقلموا على وضعهم الجديد.