يمكن لو كنا شوفنا المشهد ده في فيلم كوميدي، كانه زمانه بقى تريند الموسم، ما هو مش طبيعي برضه حرامي يسلم نفسه قدام الناس كلها كده، ياجماعه.

اللي حصل، إن مصر اتعرضت لـ زلزال النهارده الصبح، فنزل صحفي بيشتغل في اليوم السابع، علشان يغطي الحدث عادي، واستخدم هنا موقع "فيسبوك" علشان يعمل بث مباشر، الصحفي بيتكلم عادي وبيشرح للناس الوضع على طريق الدائري، وفجأة تليفونه اتسرق من شخص كان راكب موتوسيكل.

اللقطة هنا بقى، إن الحرامي ماخدش باله إن الشخص اللي لسه سارق منه التليفون طالع "لايف"، وطبعًا ظهر في اللايف والناس كلها شافته، وكأن فعلًا القدر بينتقم منه، زي ما كل الناس قالت عليه في الكوميكس.

نتمنى إن الحكومة تاخد خطوات سريعة لمنع حالات السرقة اللي بتحصل على الدائري في أقرب وقت..