لتقليل استخدام البلاستيك، ابتكرت شركة ناشئة في لندن اسمها "نوتبلا"، أكياس مصنوعة الأعشاب البحرية كبديل للأكياس البلاستيك المعروفة، بدأت المغامرة في مطبخ صغير، جمع طالب فرنسي والتاني إسباني، بيدرسوا في الكلية الملكية للفنون في لندن، للتدرب على تصميم منتجات مبتكرة.
وبعد اختبار نباتات مختلفة، اكتشفوا مستخلصات من الأعشاب البحرية، صالحة للأكل أو التحلل ومش ضارة على البيئة، فا قرروا يتستغلوها في التغليف.
الغلاف أو "الكيس" المبتكر ده، حجمه قد ثمرة الطماطم كده، ممكن يغلف به كل أنواع السوائل: "مياه، مشروبات طاقة وغيره"، والأهم بقى إن بعد مضغه في الفم، بيتحول لمكعب صغير قوامه هلامي.
بالمناسبة، تم استخدام الأكياس دي بالفعل، في تغليف الأطعمة اللي تم بيعها، في نهائي كأس أوروبا لكرة القدم للسيدات، في شهر 7 اللي فات.
حاليًُا، منتجات "نوتبلا" تعتبر أغلى من المنتجات البلاستيكية، لكنها بدأت تخفض أسعارها بين 5% و10%، بعد انتاجها طلاء طبيعي قابل للتحلل، لعلب الوجبات الجاهزة.
حقيقي فكرة هايلة نتمنى نشوفها في مصر قريب.
