في شركة ألمانية ناشئة اسمها "Tomorrow Bio"، بدأت تعمل حاجة غريبة شوية، بيجمدوا الجثث علشان يحييوها في المستقبل! الفكرة إنهم بيقولوا إن لما التكنولوجيا تتطور كفاية، هيبقوا يقدروا يرجعوا الناس دي تاني للحياة، بعد موتهم.

الشركة بتاخد حوالي 200 ألف دولار، علشان تحفظ الجسم كامل، وفي العملية دي، بيوصلوا درجة حرارة الجسم لـ198 درجة تحت الصفر، وده بيخلي الجسم في حالة اسمها "ثبات حيوي"، يعني كل العمليات الحيوية بتقف تمامًا لحد ما ييجي وقت ممكن يصحوا فيه الجثة.

حتى الناس اللي ماتت لأسباب طبية، الشركة شايفة إن ده مش عائق، وبتقول إن رؤيتهم إن كل واحد يبقى عنده حرية يختار هو عايز يعيش لحد إمتى، من غير ما يفرق مكانه أو ظروفه أو فلوسه.

المفاجأة إن لحد دلوقتي، الشركة جمدت جثث 6 أشخاص و5 حيوانات أليفة، وأكتر من 650 شخص سجلوا فعلًا ووافقوا على تجميد أجسادهم، على أمل يصحوا في عالم  مختلف.