بعد أسبوع مليان بالأحداث، تعالوا نعرف الأفلام الموجودة في سينمات القاهرة النهارده:
سكر
مستوحى من رواية "Daddy Longs Legs" العالمية الشهيرة بـ "صاحب الظل الطويل"، أحداثه بتدور حول يوميات أطفال عايشين في دار أيتام، بيواجهوا ظروف صعبة، لكن عندهم أحلام وردية لمستقبلهم. أول عمل سينمائي غنائي استعراضي موجه للعائلة،. بيشارك في بطولته ماجدة زكي، حلا الترك، معتز هشام، بافلي ريمون، ياسمين العبد، وديمه أحمد، رؤية وكتابة هبة مشاري حمادة، وإخراج تامر مهدي.
حسن المصري
قصة الفيلم مثيرة جدًا بتحكي عن تورط أحمد حاتم في قضية مع تجار سلاح بلبنان، بيشاركه بطولة الفيلم عدد من الفنانين منهم، لينا صوفيا، دياموند بو عبود، مراد مكرم، فريال يوسف، قصة نورا لبيب، سيناريو وحوار سمر طاهر ومن إخراج سمير حبشي.
فوي فوي فوي
حسن حارس أمن، بيعيش حياة بسيطة، ومن أحلامه يسافر للخارج، فا بيتظاهر أنه ضعيف البصر، علشان ينضم لفريق كرة القدم للمكفوفين، اللي هيشارك في بطولة العالم بأوروبا، بس ياترى خدعته هتنجح؟ ده اللي هتكشفه الأحداث. بيشارك في بطولة الفيلم عدد من الفنانين، منهم، نيللي كريم، بيومي فؤاد، حجاج عبد العظيم، حنان يوسف، طه دسوقي، من تأليف وإخراج عمر هلال.
وش في وش
العميل صفر
فرد أمن بيحلم يكون بطل زي جيمس بوند بأقل الإمكانيات، لكن ياترى هينجح؟ ده اللي هتكشفه الأحداث، الفيلم بطولة أكرم حسني، بيومي فؤاد، أسماء أبواليزيد، مصطفى غريب، منذر رياحنة، السعودية فاطمة البنوي، فيدرا، ونجوم أكتر. الفيلم فكرة محمد سامي، سيناريو وحوار وائل عبد الله، ومن إنتاج لؤي عبدالله، وإخراج كريم العدل.
بيت الروبي
كريم عبد العزيز بيجسد شخصية بلوجر اسمه إبراهيم الروبي، وخلال الأحداث هيقربنا أكتر من حياة بلوجرز السوشيال ميديا، كمان هنشوفه في مواقف طريفة بتجمعه بأخوه كريم محمود عبد العزيز، بيضم الفيلم عدد من الفنانين منهم، نور، تارا عماد، سليمان عيد، من تأليف محمد الدباح وريم القماش، وإخراج بيتر ميمي.
مستر إكس
أحداث الفيلم بتدور في إطار كوميدي رومانسي، بيضم عدد كبير من الفنانين وهم، هنا الزاهد، أوس أوس، بيومي فؤاد، رحاب الجمل، محمود حافظ، بجانب عدد من ضيوف الشرف منهم: أكرم حسني، ريم مصطفى، مصطفى خاطر، محمد أنور، صبري فواز، عمرو يوسف، رانيا منصور، قصة أماني التونسي، فكرة محمد سويلم وفادي أبو السعود، إخراج أحمد عبد الوهاب.