من أيام قليلة بدأ الفنان مصطفى قمر، تصوير الجزء الثاني من فيلم "حريم كريم" واللي هيكون اسمه "أولاد حريم كريم"، واللي هنشوف خلاله تطور في الأحداث زي ما هو واضح من الاسم الجديد.
هيغيب عن الجزء الثاني، عدد من من نجوم الجزء الأول، منهم ياسمين عبدالعزيز، والراحل طلعت زكريا، وهيشارك مصطفى قمر في بطولة الفيلم: داليا البحيري، بسمة، خالد سرحان، تيام قمر، بشرى، عمرو عبد الجليل، رنا رئيس، هنا داوود، فؤاد محسن، كريم كريم، يوسف عمر، وجاري التعاقد مع نجوم أكتر.
وكان فيلم "حريم كريم" عُرض سنة 2005، أحداثه بتدور حول زوجين بيحصل بينهم طلاق بسبب سوء تفاهم، فا بيستعين الزوج بزميلاته من أيام الجامعة، علشان يساعدوه في حل الأزمة، لكن الموضوع بيسوء أكتر، من تأليف زينب عزيز، وإخراج علي إدريس.
