فاجأت الإعلامية والمنتجة إسعاد يونس جمهورها بمناسبة الفالنتاين، وقررت إعادة عرض فيلم "سهر الليالي" في السينمات بعد 22 سنة من عرضه الأول! ومش بس كده، كمان فيه كلام عن جزء تاني من الفيلم.

إسعاد أعلنت الخبر عبر إنستجرام، وقالت: "فيلم سهر الليالي راجع تاني في سينمات رينيسانس في الفالنتاين يومي 14 و15 فبراير، وكمان تقدروا تحضروا عرض خاص وتشاركوا في ورشة مناقشة الجزء التاني مع الكاتب تامر حبيب والمخرجة مريم الأحمدي، يوم 15 فبراير الساعة 4 في سينما رينيسانس وسط البلد.

الفيلم يعتبر من أهم الأفلام اللي سابت بصمة في جيل كامل، وشارك في بطولته نجوم كتير زي: منى زكي، أحمد حلمي، حنان ترك، شريف منير، علا غانم، فتحي عبدالوهاب، خالد أبوالنجا، جيهان فاضل، وانتصار، الفيلم من تأليف تامر حبيب وإخراج هاني خليفة.