السينمات المصرية داخلة على موسم متنوع من الكوميديا والدراما والفانتازيا، وأكتر من فيلم عربي جديد هيبدأ عرضه الأيام الجاية:
"ماما وبابا"
قصة الفيلم بتدور في إطار كوميدي اجتماعي، عن زوجين حياتهم هادية وبسيطة، لكن بعد حادث غريب بيصحوا الصبح كل واحد في جسم التاني، وده بيحطهم في مواقف مضحكة وغير متوقعة، ويفتح باب لمواقف طريفة بين العيلة والجيران.
بيشارك في البطولة: وئام مجدي وعدد من الأطفال، والفيلم من إخراج أحمد القيعى، وتأليف ورشة براح، وإنتاج محمد رشيدى وياسر صلاح، وفكرته لرحمة فلاح.
العرض في مصر: 27 أغسطس 2025 .
"جوازة × جنازة"
عروسين يوم فرحهم، بس في نفس اليوم بيتزامن مع جنازة، وده بيخلق حالة من الكوميديا السوداء، ومواقف بين الفرح والحزن بتكشف شخصياتهم.
بطولة: نيللي كريم – شريف سلامة – انتصار– لبلبة، من إخراج أميرة ماهر، وتأليف دينا ماهر وأميرة دياب.
العرض: 10 سبتمبر و25 في الدول العربية.
