بعد موسم منافسة قوي، شهده دور العرض السينمائي في عيد الأضحى، اللي فات، بتستعد السينمات لاستقبال، دفعة جديدة من الأفلام، للمنافسة في موسم أفلام صيف 2023، منها أفلام تم تأجيلها أكتر من مرة، وأفلام غيرها تم الإعلان عنها مؤخرًا، بتتنوع في أحداثها بين الكوميدي والاجتماعي والأكشن، بتضم كمان عدد كبير من نجومنا اللي بنحبهم وبنستنى أفلامهم على نار.
في "كلام القاهرة" جمعنالكم قائمة الأفلام المقرر طرحها خلال الفترة الجاية في السينمات.
مطرح مطروح
موظف بسيط قرر يصيف هو وعيلته في مرسى مطروح، وفاجأة الحرب بتقوم جنب الشاليه! فبيدخل في مواقف كوميدية كتير مع قوات الجنود الأجنبية، من المقرر طرحه في كل دور العرض يوم 19 يوليو، بطولة محمود حميدة، ليلى أحمد زاهر، سامي مغاوري، شيماء سيف، والعمل من تأليف محمد عز، ومن إخراج وائل إحسان، والممثل البريطاني "سكوت آدكينز".
البطة الصفرا
دكتور جامعي منغلق على نفسه، بيتورط في قضية سرقة وبالتعاون مع عصابة "البطة الصفرا"، بطولة محمد عبد الرحمن، غادة عادل، محمود حافظ، فرح الزاهد، إبرام سمير، حسن أبو الروس، بالإضافة لعدد من ضيوف الشرف منهم: صلاح عبد الله، سامي مغاوري، عمرو رمزي، يارا عزمي، وهو قصة وسيناريو وحوار محمود عزت، وإخراج عصام نصار.
من المقرر طرحه في أول أغسطس الجاي.
أحداث الفيلم بتدور في يوم احد، طبيب بيدخل في مشاكل وصرعات بسبب أزمة النسب، الفيلم من بطولة الفنان محمد إمام، ماجد الكدواني، ياسمين صبري، وضيوف الشرف، أبرزهم شيرين رضا، وفاء عامر، هالة فاخر، من تأليف أيمن وتار، إخراج رامي إمام.
قصة الفيلم بتدور حول" حسن" حارس أمن، بيعيش حياة بسيطة، ومن أحلامه يسافر للخارج، فا بيتظاهر أنه ضعيف البصر، علشان ينضم لفريق كرة القدم للمكفوفين، اللي هيشارك في بطولة العالم بأوروبا، بس ياترى خدعته هتنجح؟ ده اللي هتكشفه الأحداث.
بيشارك في بطولة الفيلم عدد من الفنانين، منهم، نيللي كريم، بيومي فؤاد، حجاج عبد العظيم، حنان يوسف، طه دسوقي، من تأليف وإخراج عمر هلال.
من المقرر طرحه في يوليو الجاري.
