من 27 سنة وبالتحديد في صيف 1998، نزل فيلم "صعيدي في الجامعة الأمريكية" يغيّر شكل السينما المصرية كلها.
الفيلم اللي خلى محمد هنيدي نجم الشباك الأول، وقدم جيل كامل لسه منور لحد دلوقتي زي أحمد السقا، منى زكي، غادة عادل، وطارق لطفي.
مش بس كسر الإيرادات وقتها، لكنه كمان عمل حالة من النوستالجيا لسه عايشة معانا لحد النهارده.. من الإفيهات اللي بنرددها لحد الكواليس اللي ورا الكاميرا.
1- الإيرادات: حوالي 27 مليون جنيه (رقم ضخم وقتها، وخلّاه الأعلى في التسعينات).
2- تاريخ العرض (3 أغسطس 1998)، ومدة العرض: استمر في السينمات أكتر من 36 أسبوع متواصل.
3- أجر هنيدي: حوالي 100 ألف جنيه + عربية جيب شيروكي هدية بعد نجاح "إسماعيلية رايح جاي".
4- شريف منير كان مرشح لدور "حسين" لكنه اعتذر، وراح لـ طارق لطفي.
5- هشام عباس انسحب من تقديم دور "علي"، والدور راح لـ أحمد السقا.
