ينتظر الفنان محمد فراج طرح فيلمه الجديد "ڤوي! ڤوي! voy voy"، بدور العرض السينمائي خلال الفترة الجاية، الفيلم قصته مختلفة، وبيشاركه البطولة مجموعة من أهم النجوم.

يالا نعرف معلومات أكتر عن الفيلم.

1- قصة الفيلم بتدور حول" حسن" حارس أمن، بيعيش حياة بسيطة، ومن أحلامه يسافر للخارج،  فا بيتظاهر أنه ضعيف البصر، علشان ينضم لفريق كرة القدم للمكفوفين، اللي هيشارك في بطولة العالم  بأوروبا، بس ياترى خدعته هتنجح؟ ده اللي هتكشفه الأحداث.

2- منتج الفيلم محمد حفظي كشف عن معني اسم الفيلم "ڤوي! ڤوي! voy voy"، وقال إنها كلمة إسبانية، معناها "أنا قادم".

3- بيشارك في بطولة الفيلم عدد من الفنانين، منهم، نيللي كريم، بيومي فؤاد، حجاج عبد العظيم، حنان يوسف، طه دسوقي، من تأليف وإخراج عمر هلال.

4- من المقرر طرح فيلم "ڤوي! ڤوي!" ضمن أفلام موسم صيف 2023، بالتحديد في شهر يوليو الجاي.

5- آخر أعمال محمد فراج كان مسلسل "حرب" في رمضان اللي فات، وبيحضر لتصوير مسلسل جديد اسمه "بطن الحوت".