بعد سنتين من غير حفلات فنية بسبب جائحة كورونا، السنة دي عيد الفطر بطعم الفرحة، سينما وسهرات ونجوم هيقضوا العيد وسط جمهورهم لحد الصبح.
جمعنا لكم أجمل حفلات هتنور القاهرة وهترضي كل الأذواق خلال أيام العيد وطول شهر مايو.
عبد الباسط حمودة في ساقية الصاوي
احتفلوا بالعيد مع حكمدار الأغنية الشعبية عبد الباسط حمودة. يوم التلات 3 مايو، على مسرح ساقية الصاوي. التفاصيل هتلاقوها هنا.
بهاء سلطان وأحمد سعد ورامي جمال في أرض المعارض
حفلة جامدة هيشارك فيها أجمد الأصوات في مصر، يوم الخميس 5 مايو، في الحديقة الصينية، بأرض المعارض في مدينة نصر، بتذاكر أسعارها: 307، 507، 757 جنيه. التفاصيل هنا.
كايروكي في زيد بارك
فريق كايروكي هيقدم حفلة جامدة، يوم الجمعة 13 مايو، في زيد بارك الشيخ زايد، بتذاكر بتبدأ من 300 لحد 500 جنيه. التفاصيل هتلاقوها هنا.
عُمر خيرت في دار الأوبرا
جمهور دار الأوبرا على موعد مع الموسيقار عُمر خيرت. يوم 15 و16 مايو، هيقدم حفلتين مع مقطوعات موسيقية عالمية. التفاصيل هنا.
محمد حماقي
حفلة جديدة للنجم محمد حماقي، يوم الخميس 19 مايو، في فندق كبير في التجمع الخامس.
علي الحجار في جامعة مصر
ليلة موسيقية غير عادية في أجواء رومانسية من الطرب الأصيل مع النجم الكبير علي الحجار. يوم الجمعة 20 مايو علي مسرح جامعة مصر للعلوم و التكنولوجيا بمدينة 6 أكتوبر. التفاصيل هنا.
