وصفت علا رشدي زوجة أحمد داود، شعورها لما شافت مشهد القبلة بين زوجها وبين منة شلبي في أحد مشاهد في فيلم "الهوى سلطان"، وقالت: "عادي يا جماعة خالص شيفاه ممثل مش أكتر".

وقالت كمان علا في تصريحات مع موقع Et بالعربي: "مش أول مرة حصلت في أفلام تانية، أنتوا عايزيني أغير بالعافية، الناس تقولي أكيد غيرانه أقولهم عادي، أنا حاسة إن فيا حاجة غلط، لما شوفت المشهد قولت إيه ده الله بوسة حلوة أوي".

وبيعرض حاليًا فيلم "الهوى سلطان" في سينمات مصر والوطن العربي وعدد من الدول الأوروبية، ومحقق إيرادات عالية وسط الأفلام السينمائية المعروضة.

الفيلم تأليف وإخراج هبة يسري، بطولة منة شلبي، أحمد داود، سوسن بدر، أحمد خالد صالح، فدوى عابد، جيهان الشماشرجي.