الدراما الرمضانية السنة دي مش عادية، مش بش علشان غياب نجوم متعودين يقدموا أعمال كل سنة على شاشة رمضان، لكن كمان لاختلاف الحكايات اللي هنشوفها، على سبيل المثال هيكون موجود 3 مسلسلات ضخمة مأخوذة عن روايات شهيرة.

وهي:

عتبات البهجة

 

مأخوذ عن رواية بنفس الاسم للكاتب الكبير إبراهيم عبد المجيد، بتدور قصة العمل حول بهجت الأنصاري، رجل سبعينى متقاعد، بتوفى زوجته، وبيسافر ابنه يشتغل في أوروبا، لكن بيتعرض لحادثة فا بيموت هو زوجته، وبيرجع الأحفاد يعيشوا مع جدهم، فا بتظهر في حياته حبيبته الأولى، ياترى هيتجوزها بعد كل الوقت ده؟ هنشوف.. (بيتكون من 15 حلقة)
 
بطولة يحيى الفخراني، صلاح عبد الله، علاء مرسي، جومانا مراد، هنادي مهنا، تأليف مدحت العدل، إخراج مجدي أبو عميرة.
 

إمبراطورية ميم

"إمبراطورية ميم" مأخوذ عن الرواية الأصلية للكاتب إحسان عبد القدوس، بتدور حوالين الحيرة اللي بيقع فيها "مختار" ما بين الاهتمام بأولاده الـ 6 أو اختيار الإنسانة اللي حبها. (بيتكون من 30 حلقة)

بطولة خالد النبوي، حلا شيحة، نور النبوي، مايان السيد، نشوى مصطفى، محمود حافظ، هاجر السراج، محمد محمود عبد العزيز، إلهام صفي الدين، إيمان السيد، نورهان منصور، ليلى عز العرب، يارا عزمى، الطفلة منى زاهر، الطفل آدم وهدان، سيناريو وحوار محمد سليمان عبدالمالك، وإخراج محمد سلامة.

جودر 

مأخوذ من كتاب "ألف ليلة وليلة" وهو واحد من كتب التراث العربي، بتدور قصته حول الصياد جودر المصري، بيعيش في صراع مع أخواته سليم وسالم، بسبب حب والده الشديد له، وبعد وفاة الأب بيدخل في مغامرات كبيرة بعالم سحري مليء بالإثارة والتشويق، تحوله من صياد فقير لرجل غني. (بيتكون من 15 حلقة)

بيضم العمل كل من؛ ياسر جلال، نور، ياسمين رئيس، أحمد بدير، عبد العزيز مخيون، تارا عماد، وفاء عامر، أيتن عامر، وليد فواز، هنادي مهنا، محمود البزاوي، محمد التاجي، سامي مغاوري، عايدة رياض، أحمد فتحي، مجدي بدر، محمد علي رزق، أحمد كشك، أحمد ماجد، چيهان الشماشرجي، تأليف أنور عبد المغيث، وإخراج إسلام خيري.