الراديو في رمضان له طعم تاني خالص، وخصوصَا قبل الفطار أو الفجر، روحانيات كده وطاقة إيجابية بتغسلنا من جوه، وتخلي يومنا رايق، علشان كده قولنا نجمع لكم أهم مسلسلات هتتذاع على الراديو طول رمضان، بننصحكم تسمعوها:
ودي القائمة الكاملة:
الست فوزية
النجمة إسعاد يونس ومحمود رضوان، على راديو 9090 في مسلسل جديد، هيذاع الساعة 2:30 ظهرًا.
عندما يحكي شهريار
تقديم رامي الحلواني وإيمان مختار، على راديو 9090، وهتسمعوه الساعة 1:30 ظهرًا.
بشرة خير
بطولة صفاء أبوالسعود، أحمد صيام، أحمد داود، على راديو 9090، وهيذاع الساعة 2 ظهرًا.
جوازة مشروعة
بطولة هنا الزاهد ونور النبوي، وهيتذاع الساعة 3 عصرًا، علي راديو 9090.
هايدي ونوفل
بطولة مي سليم، إيناس عز الدين، ومحمد نشأت، وهيكون الساعة 3:30 عصرًا، علي راديو 9090.
الجيران لبعضيها
مسلسل لايت كوميدي بطولة إلهام شاهين، محمد رضوان، وهيكون متاح وقت الإفطار على إذاعة البرنامج العام.
اللمبة الزرقا
النجمة غادة عادل هتشارك في مسلسل جديد على راديو إنرجي 92.1، تأليف إسلام شلباية وإخراج زهرة رامي.
هات وخد
أول مسلسل إذاعي ميوزيكال للنجم محمد ممدوح على راديو إنرجي، تأليف مصطفى إبراهيم وأحمد خالد، وإخراج زهرة رامي.
واضح إن الراديو في رمضان هيبقى مليان إبداع ومنافسة شرسة بين الأعمال.
