قدر فيلم "سيكو سيكو" يحقق إنجاز كبير في شباك التذاكر المصري، ووصلت إيراداته لأكتر من 175 مليون جنيه خلال 7 أسابيع بس من عرضه، وده خلى الفيلم يحتل المركز التاني في قائمة أعلى الأفلام إيرادًا في تاريخ السينما المصرية بعد "ولاد رزق 3".
الفيلم من بطولة عصام عمر وطه دسوقي، ومعاهم تارا عماد، ديانا هشام، علي صبحي، وباسم سمرة، وبيظهر خالد الصاوي كضيف شرف.
القصة بتدور في إطار كوميدي عن شابين من طبقة متوسطة بيلاقوا نفسهم فجأة ورثوا بضاعة غير قانونية، فبيقرروا يتصرفوا فيها عن طريق لعبة موبايل اسمها "سيكو سيكو" .
النجاح الكبير ده بيرجع لتفاعل الجمهور مع الكوميديا الجديدة اللي قدمها الفيلم، وكمان الأداء المميز للأبطال، وده خلى "سيكو سيكو" يتصدر الإيرادات اليومية ويحقق أرقام قياسية في وقت قصير.
تفتكروا هيصمد قدام فيلم "المشروع X"؟
