كشف الفنان طارق لطفي في لقائه ببرنامج "حبر سري" على قناة القاهرة والناس عن سبب رفضه تقديم شخصية "شاذ" في مسلسل "كلام على ورق" إخراج محمد سامي، اللي اتعرض سنة 2014.

طارق قال: "عيلتي كلها هي اللي خلتني أرفض الدور.. أنا كنت موجود من قبل ما يتكتب حرف واحد، وباني الشخصية مع محمد سامي بشكل مختلف، وكان المفروض يبان إن الشخصية مش شاذ، لكنه بيدّعي كده عشان طبيعة شغله كصاحب كباريه".

وأضاف: "لما قريت اللي اتكتب لقيته حاجة تانية، خفت جدًا، واستشرت مراتي وولادي وأمي، لأن في الآخر ده يمسهم هما كمان، وقررت إني مش هعمل الدور ده ولا هقدر أقدمه بالشكل ده".

رأيه في الحجاب

أما عن رأيه في الحجاب، فقال إنه بيحترم رأي شيوخ الأزهر المختلفين في الموضوع، لكنه مش قادر يحسم رأيه، موضحًا: "أنا مش هقول رأيي الشخصي في التلفزيون عشان ما ألخبطش الناس، الأزهر بيقول الحجاب فرض، وفي بعض الشيوخ من الأزهر بيقولوا إنه عادة اجتماعية، وأنا واقف في النص، مش عارف أسمع لمين، وفي الآخر بقول: استفتِ قلبك".

وقال كمان: "غطاء الرأس كان للستات والرجالة، ولحد دلوقتي في الصعيد والفلاحين الراجل ماينفعش يطلع من بيته من غير ما يغطي راسه، وقبل ثورة 1952 كان لازم الطربوش، وفي أوروبا وأمريكا برضه فيه غطاء رأس، فبشكل أو بآخر، الحجاب كان عادة اجتماعية عند كل الناس، وأعتقد إنه هو وغطاء الرأس حاجة واحدة".

وبخصوص سؤال: "هل طلب من مراته تخلع الحجاب؟" ردّ وقال: "لأ، دي علاقتها بربنا، أنا لا وصي ولا وسيط، أنا مجرد ناصح حتى مع ولادي، ولو مراتي قالت عايزة تلبس الحجاب، هقول لها: اتفضلي".