طرحت الشركة المنتجة لفيلم “مقسوم"، الإعلان تشويق للعمل، واللي هتقوم ببطولته النجمات ليلى علوي، شيرين رضا، سما إبراهيم، ومن المقرر عرضه خلال الفترة الجاية.
تعالوا نعرف شوية معلومات عن الفيلم:
1- حدوتة الفيلم بتحكي قصة 3 مطربات اعتزلوا الغناء، بعد ما كونوا فرقة موسيقية في فترة التسعينيات، بيتقابلوا بعد 30 سنة، وبيقرروا يرجعوا لنشاطهم الفني تاني، ولكن ياترى الأمور هتمشي زي ما هنا عايزين!
2- بيشارك في بطولة الفيلم مجموعة من الفنانين منهم، سارة عبدالرحمن، عمرو وهبة، وعدد من ضيوف الشرف. من تأليف هيثم دبور، وإخراج كوثر يونس.
3- من المقرر عرض الفيلم يوم 18 يناير، للمنافسة على شباك تذاكر أفلام بداية 2024.
4- من خلال البرومو شوفنا ليلى علوي بتغني، وده فكرنا بأنجح أفلامها "سمع حس" و"يا مهلبية" اللي قدمتهم في بداية التسعينيات.
5- يعتبر الفيلم أول تعاون فني بين ليلى علوي وشيرين رضا، رغم صداقتهم خارج الوسط الفني.
