بتستعد قناة "النهار" لعرض برنامج المقالب الجديد "كريزي باص" في رمضان 2025، واللي بيقدمه إبراهيم السمان، بعد نجاح برنامجه "كريزي تاكسي" على مدار كذا موسم، البرنامج الجديد شكله هيكون جرعة ضحك مضاعفة، مع ركاب جداد كل حلقة ومواقف أغرب من الخيال!

من البرومو اللي نزل، واضح إن السمان هيحوّل الرحلة لكابوس كوميدي! من أول ما بيقعد في الباص، بتبدأ التصرفات العجيبة، والردود الأغرب، وهيمارس هوايته المعتادة في استفزاز الركاب بمواقف مجنونة تخليهم مش عارفين يتصرفوا إزاي!

"كريزي تاكسي" كان تجربة مقالب ناجحة على مدار 4 مواسم، واللي فيه إبراهيم السمان لعب دور السواق غري الأطوار اللي بيغير شخصيته كل حلقة ويوقع الركاب في مقالب مش متوقعة، وعلشان كده، "كريزي باص" شكله هيكمل النجاح، بس المرة دي على نطاق أوسع وأغرب!

تقدروا تشوفوا يرومو البرنامج من هنا.