تصدرت الفنانة داليا مصطفى تريند السوشيال ميديا بعد ظهورها كـ ضيفة في برنامج "حبر سري"، تقديم الإعلامية أسما إبراهيم على قناة القاهرة والناس، ورغم إنها مقالتش تفاصيل معينة عن حياتها الشخصية الجمهور مستنى يعرفها، لكن الحلقة حققت مشاهدة عالية.

وده كان جزء من كلامها:

"رفضت فيلم "الساحر" و"مذكرات مراهقة" وأفلام تانية في الفترة دي، علشان المشاهد الجريئة".

"حياتي الشخصية مش من حق أي حد يعرفها أو أقولها قدام الناس كلها".

"لو جوزي ضربني ممكن أضربه، أنا مع الفكرة دي، وجدتي عملت كده ردت ضربات زوجها، ومكررهاش تاني".

"الخيانة ملهاش حل، الزوج الخائن هسيبه من غير مواجهة مباشرة، لأن مواجهته من غير استعداد لإنهاء العلاقة خطأ كبير".

"تعرضت للتحرّش وأنا طفلة، وكانت تجربة مؤلمة جداً، بس قدرت اتجاوزها"

"لو رجع بيا الزمن مكنتش هسقط سنة في المعهد، عشان أبقى مع شريف سلامة، الأفضل ليا كان إني أعيش حياتي واشتغل، بس الواحد بيتعلم من أخطائه".