انتقد المؤلف عمرو محمود ياسين، عدد من صناع الدراما والمسلسلات الرمضانية وكمان والفنانين، اللي بيعتمدوا مؤخرًا على جذب المشاهدين بفكرة المسابقات والجوائز المادية، لزيادة نسب المشاهدة.

وكتب بوست صريح على حسابه بفيسبوك قال فيه: "بصراحة أنا حاسس إني مظلوم في المنافسة السنة دي، كتير  مسلسلات عاملين مسابقات وجوايز قيمة، والجمهور متفاعل، وأنا لا عندي مسابقات ولا عندي جوايز! يعني حتى لو فكرت أعمل مسابقة، هسأل إيه؟ مين بطل المسلسل؟وأهدي الفايز إيه؟".

وقال كمان: "أنا كده مش عارف أنافس الصراحة، بس لما بفكر كده، زمان المسلسلات كانت بتنجح من غير كل ده، حد فيكم خد عربية لما شاف سوق العصر؟ أو كسب دهب لما تابع ليالي الحلمية؟ النجاح الحقيقي بييجي من الحكاية الحلوة اللي تفضل مع الناس، ده اللي افهمه ولا الدنيا اتغيرت ولا ايه وانا اللي مش دريان؟".

وأضاف ياسين: "عشان كده، بجائزة أو من غير، مستني محبي وجمهور الدراما في رمضان مع مسلسل وتقابل حبيب، لأن الحكاية الحلوة هي اللي بتكسب في الآخر!"