في أحدث ظهور ليه، فاجئ الفنان آسر ياسين جمهوره بلوك مختلف، فـ ظهر لابس حلق، وده تسبب في تصدره التريند بسرعة بسبب تباين ردود الأفعال.

عدد من المتابعين انتقدوا اللوك الجديد واعتبروه مش مناسب لشخصيته اللي متعودين يشوفوه بيها في أعماله، ومحدش كان فاهم حاجة!

وبطريقة لطيفة والدته حسمت الجدل، وردت على إحدى التعليقات، وحاولت تصحيح الصورة للمتابعين المنزعجين من ارتدائه حلق، بإنه مجرد دور في فيلم جديد بيتطلب منه يظهر بـ تاتو وحلق.

جدير بالذكر إن آسر ياسين بدأ تصوير مشاهده في فيلم "وتر واحد" واللي بيجسد خلاله شخصية "فضل"، وده شكل الشخصية اللي ظهر بيها مؤخرًا، وبيشاركه البطولة كل من: ويجز ومايان السيد وتارا عماد وهو من تأليف وإخراج علي العربي، وإنتاج شركتي Ambient Light  وFilm Square.