زي أي شئ في الدنيا، القدماء المصريين عندهم دليل عليه أو سبقوا العالم فيه معرفته! هتلاقي إن الأبراج كمان كانت عندهم قبل اكتشاف علم الفلك والنجوم، لكن مختلفة شوية عن الأبراج المعروفة سواء في الاسم أو ترتيب الشهور وعدد الأشهر في البرج الواحد.
فاتعالوا نتعرف على الأبراج الفرعونيّة ونعرف كل واحد منها برجه إيه؟
برج النيل:
بيضم مواليد في الفترة من 1 لـ 7 يناير، ومن 19 لـ 28 يونيو، ومن 1 لـ 7 سبتمبر، ومن 18 لـ 26 نوفمبر.
صفاته: متوازن، عاطفي، مسالم، بيهتم بالتفاصيل.
برج آمون رع :
بيضم مواليد الفترة من 8 لـ 21 يناير، ومن 1 لـ 11 فبراير.
ملهم ومشجع لغيره، قيادي، متفاؤل، من عيوبه الغرور والعند.
برج موط:
بيضم مواليد الفترات، من 22 لـ 31 يناير، ومن 8 لـ 22 سبتمبر.
صفاته جذاب وأنيق، خجول، كريم، عقلاني.
برج جب:
بيضم الأشخاص المولودون في الفترة من 12 لـ 29 فبراير، ومن 20 لـ 31 أغسطس.
صفاته طيب وعاطفي جدًا، بيهتم بالآخرين، بيميل للانطواء والاستمتاع أكتر.
برج أوزوريس:
برج أوزوريس هو برج الأشخاص المولودين في الفترة من 1 - 10 مارس، 27 نوفمبر - 18 ديسمبر.
متناقض شوية، عنده شخصيتين عكس بعض، متردد وغير حاسم، وهو ما يجعله في معارك داخلية دائما.
برج إيزيس:
يعتبر الأشخاص المولودون في الفترات من 11 - 31 مارس، 18 - 29 أكتوبر، 19 - 31 ديسمبر بينتموا لبرج إيزيس.
صريح وواضح، دمه خفيف، ورومانسي، وبيميل للمثالية.
برج تحوت:
يشمل برج تحوت المواليد في الفترة من 1 لـ 19 أبريل، ومن 8 لـ 17 نوفمبر.
ذكي ومبدع، واثق في نفسه ومتواضع.
برج حورس:
يضم برج حورس مواليد الفترة ما بين 20 أبريل لـ 7 مايو، ومن 12 لـ 19 أغسطس.
من صفاته المغامرة والحماس والجاذبية.
برج أنوبيس:
يضم برج أنوبيس الأشخاص مواليد الفترة من 8 لـ 27 مايو، ومن 29 يونيو لـ 13 يوليو.
شغوف ومبدع، حساسون تجاه الآخرين، وانطوائيون لحد كبير.
برج ست:
يعتبر الأشخاص مواليد الفترة من 28 مايو - 18 يونيو، 28 سبتمبر - 2 أكتوبر.
صفاته البحث عن المغامرة والتحدي، اجتماعي جدًا، التنبؤ بردود أفعالهم الآخرين.
برج باستيت:
يضم برج باستيت مواليد الفترة من 14 لـ 28 يوليو، ومن 23 لـ 27 سبتمبر، ومن 3 لـ 17 أكتوبر.
عنده سلام نفسي، يبحث دائما عن الفرح، بيلاقي صعوبة في التخلي عن الماضي.
برج سخمت:
يضم برج سخمت مواليد الفترة من 29 يوليو - 11 أغسطس، و 30 أكتوبر - 7 نوفمبر.
مثالي، جذاب، ساحرة، ومهتم بالأمور المادية.
