كوباية الشاي المظبوطة، قادرة تظبط مزاجنا، في أي وقت، الصبح تفوقك، تحبس بيها بعد غدوة تقيلة، وعلى المغربية كده لو بالنعناع، هتاخدك لعالم رايق، بس هنا لينا وقفة، بعد ما عرفنا من المتخصصين، إن في أكلات معينة مش مستحب نشرب بعدها أو معاها شاي، علشان مانضرش صحتنا، على المدي البعيد، حسب ما نشر موقع "الكونسلتو".

اللبن 

ميكس الشاي مع اللبن، حبيب الملايين، اتضح إنه مش صحي، لإن الشاي بيحتوي على مضادات أكسدة، بتصعب على الجسم امتصاص الكالسيوم، الموجود في اللبن، وبالتالي قيمته الغذائية بتقل.

المعجنات

عارفين إن المعجنات بأنواعها، متحلاش غير بكوباية شاي، بس علشان صحتك أهم، ضروري تفصل بين تناول المعجنات وشرب الشاي، لإن تناولهم مع بعض بيسبب مشاكل في الجهاز الهضمي.

الليمون

ناس كتير، اتعودت تعالج نزلات البرد، بالشاي والليمون، لكن المكيس ده، بيسبب حموضة وحرقان في المعدة وانتفاخ البطن، بالذات لو كان على الريق الصبح، بالمناسبة كمان، الليمون المفروض يتشرب بارد مش سخن، في المقال ده هتعرفوا ليه.

المكسرات 

بسبب المواد الموجودة في الشاي، امتصاص الجسم للفيتامينات، الموجودة في المكسرات بتقل جدَا، بالتالي لو كنت بتتعالج من أمراض نقص الحديد مثلًا، فا ضروري تقلل من الشاي.

الأطعمة الباردة