أعلنت السفارة الهندية في القاهرة بالتعاون مع وزارة الثقافة المصرية، عن انطلاق مهرجان خاص بالسينما الهندية، واللي هتستضيفه في سينما الهناجر بدار الأوبرا المصرية، بداية من السبت 10 أغسطس ولحد الثلاثاء 13 أغسطس 2025.
المهرجان هيعرض 4 أفلام هندية من أنجح وأهم الأعمال في آخر كام سنة، وبالمناسبة الدخول مجاني بأسبقية الحضور، أما مواعيد الأفلام فـ بتبدأ كلها من الساعة 7:00 بالليل، والأفلام مترجمة للعربية.
وده جدول الأفلام اللي هيتم عرضها:
"English Vinglish"- السبت 10 أغسطس
بيحكي عن ست بيت بسيطة بتواجه صعوبات علشان ما بتعرفش إنجليزي، وبتحاول تثبت نفسها قدام عيلتها والمجتمع. بطولة الراحلة سريديفي وبيظهر النجم أميتاب باتشان كضيف شرف.
"Goodbye"- الأحد 11 أغسطس
قصة عائلية بتدور حوالين الحزن، الفقد، ولمّة العيلة، بطولة أميتاب باتشان وراشميكا ماندانا. فيلم فيه مشاعر وإنسانية وقصص بتلمس القلب.
"Zindagi Na Milegi Dobara"- الاثنين 12 أغسطس
بيجمع بين الصداقة، والسفر، واكتشاف الذات. قصة ٣ صحاب بيسافروا في رحلة بتغيّر حياتهم. من بطولة هريثيك روشان، فرحان أختار، وكاترينا كيف.
"RRR"- الثلاثاء 13 أغسطس
واحد من أضخم وأشهر أفلام الهند في السنوات الأخيرة. فيلم تاريخي مليان حركة وإثارة، عن الصداقة والثورة والتضحية. بطولة رام شاران، وأن تي راما راو، وضيوف شرف زي أجاي ديفجن وعليا بهات.
