منافسة قوية هيشهدها موسم أفلام عيد الأضحى 2025، هيشهد موسم أفلام عيد الأضحى السنة دي قوية بين 3 أفلام بنعشق نجومهم، الجمهور في السينمات هيكون على موعد مع توليفة مختلفة ما بين الأكشن، الكوميديا، والدراما الخفيفة. ودي نظرة سريعة على أبرز التلاتة:

فيلم "المشروع X"

يوسف الجمال، عالم مصريات بيطلع رحلة موت مع فريقه، من مصر للفاتيكان وأمريكا اللاتينية للبحر المفتوح، علشان يثبت نظرية سر بناء الهرم الأكبر، وهل كان مقبرة؟

الفيلم مليان أكشن ومغامرات، بطولة كريم عبد العزيز، ياسمين صبري، وإياد نصار، وفنانين أكتر، إخراج بيتر ميمي، تم تصوير الفيلم في كذا بلد، وبيتقدم بتقنيات IMAX و4DX.

فيلم "ريستارت"

القصة بتحكي عن مهندس شاب بيشتغل في تصليح الموبايلات وبيحلم يتزوج بنت من مشاهير السوشيال ميديا، لكن مشكلته إنه مش قادر يحقق حلمه وبتفشل محاولاته!

الفيلم بيجمع بين الكوميديا والرومانسية، وبيعرض مواقف مضحكة ونصائح للشباب، بطولة تامر حسني، هنا الزاهد، وباسم سمرة، محمد ثروت، عصام السقا، ومن تأليف أيمن بهجت قمر وإخراج سارة وفيق.

فيلم "سيكو سيكو"

القصة بتدور في إطار كوميدي عن شابين من طبقة متوسطة بيلاقوا نفسهم فجأة ورثوا بضاعة غير قانونية، فبيقرروا يتصرفوا فيها عن طريق لعبة موبايل اسمها "سيكو سيكو".

الفيلم من بطولة عصام عمر وطه دسوقي، ومعاهم تارا عماد، ديانا هشام، علي صبحي، وباسم سمرة، وبيظهر خالد الصاوي كضيف شرف.