1- لسه علاقة الصداقة اللي بتربط "كريم" مصطفى قمر وصاحباته البنات، دمها خفيف، ولسه بتحطه في مواقف محرجة، بس ببعرف يخلع منها بشياكة.

2- اسمع لصوت قلبك مهما كانت المغريات حواليك، هتفهموا كلامنا أكتر، لما تشوفوا العلاقة اللي جمعت بين رنا رئيس وتيام قمر ويوسف عمر.

3- فكرة تدخل الأهل في اختيار شريك حياة أولادهم أو بناتهم، ولكن بعيد مع المتابعة وتقديم النصحية، حل مثالي، بيوفر مشاكل ممكن يسببها الضغط أو التحكم والسيطرة. 

4- أوقات تطبيقات التعارف والجواز، بتعرفنا على ناس جادة، ممكن نحبهم ويحبونا، ونكون معاهم أسرة عادي، بس الأكيد إننا لازم ناخد بالنا من اختيارتنا كويس.

5- خالد سرحان وعمر عبد الجليل، نقدر نقول عليهم فاكهة الفيلم وإحنا مطمنين، ما هو محدش يعرف يقول إيفيه واحد زي "عبد الجليل"، أو يضحكنا بريأكشناته بس زي "سرحان".

6- الأب هيفضل أول حب في حياة بنته، والأكيد إنه لو قالها كلام حلو هتتبسط بيه جدًا كأنه بيتقال من حبيبها وأكتر. (هتفهموا لما تتفرجوا على الفيلم)

7- مطعم بشرى لذيذ لذاذة شياكة، ألوانه بديكوراته، تحسسك إنك عايز تقوم تفتح مشروع حالًا، كمان باقي ديكوررات الفيلم كلها بهجة شياكة.