دخل محمد إمام مراحل تحضيرات تصوير فيلم "شمس الزناتي"، اللي سبق وقدمه والده الزعيم عادل إمام، وحقق نجاح جماهيري كبير وقت عرضه خلال فترة التسعينات، ولسه بنتستمتع بمشاهدته لحد النهارده.

وبعد تردد أخبار حول إمكانية مشاركة الزعيم بصوته في الفيلم الجديد، نفى مخرج العمل عمرو سلامة، كل اللي بيتقال، ووضح إن الفيلم هيرجع بالزمن للخلف، ومفيش أي مشاركة لعادل إمام في الفيلم نهائيًا. حسب موقع (الوطن)

بيشارك في النسخة الجديدة من "شمس الزناتي" عدد من الفنانين منهم، أمينة خليل، عمرو عبد الجليل، أحمد داش، طه دسوقي، أحمد خالد صالح، مصطفي غريب، سيناريو وحوار محمد الدباح.

فيلم شمس الزناتي من أهم أفلام السنيما المصرية بشكل عام، تم عرضه سنة 1991، بطولة عادل إما، مصطفى متولي، محمود حميدة، سوسن بدر، محمود الجندي، عبد الله محمود، أحمد ماهر، إبراهيم نصر، تأليف مجدي هداية، وإخراج سمير سيف.