طرحت الشركة المنتجة لفيلم "هاشتاج جوزني"، البرومو الرسمي للعمل، بالإضافة للبوسترات الدعائية لأبطاله، استعدادًا لطرحه خلال الأيام القليلة الجاية. فتعالوا نقولكم شوية تفاصيل عن "هاشتاج جوزني":

1- اتغير اسم الفيلم من "إصابة عمل" لـ  "أيه العمل"، وفي النهاية استقر صناعه على "هاشتاج جوزني".

2- بتدور أحداثه في إطار لايت كوميدي رومانسي، بيقع  "فارس" دي چي مشهور في حب فتاة، وده بيعرضه لمواقف كوميدية ملهاش آخر، لإنه مبيقدرش يعترفلها بحبه، علشان خايف تضيع منه، بسبب حيلة معينة كده!

3- أبطال الفيلم قالوه عنه إنه من نوعية الأفلام اللي افتقدناها في السينما، وبيضم استعراضات وأغاني ممتعة.

 4- بيشارك في بطولته عدد من الفنانين منهم، أمير المصري، مايان السيد، بيومي فؤاد، صابرين، دينا، إسلام إبراهيم، من تأليف محمد سمير مبروك، وإخراج عصام نصار.

5- من المقرر عرضه في جميع دور العرض يوم 3 نوفمبر الجاي، والفيلم (جمهور عام).