بتخوض النجمة ريهام عبد الغفور أول بطولتها المُطلقة بفيلم "خريطة رأس السنة"، واللي من المتوقع يكون فيلم مختف وجديد على السينما المصرية.

هتجسد ريهام خلال الأحداث دور سيدة مصابة بمتلازمة داون، وبتبدأ رحلة بحث عن والدتها مع ابن أختها في أوروبا، اللي اختفت بعد وفاة والدها فجأة.

الفيلم من بطولة ريهام عبد الغفور، ومعاها النجوم محمد ممدوح، أسماء أبو اليزيد، هنادي مهنا والفنان الشاب آسر، السيناريو لـ يوسف وجدي، والإخراج لـ رامي الجندي، والإنتاج لـ سكوب آرت برودكشن تحت إشراف أحمد حمدي.

ريهام قالت إنها دايماً بتدور على الأدوار اللي تكسر الروتين وتجرب حاجة مختلفة، والدور ده بيمثل نقلة كبيرة في مشوارها لأنها بتطلع من منطقة الراحة الفنية.