رد المخرج طارق العريان على حالة الجدل اللي حصلت مؤخرًا حوالين فيلم "السلم والثعبان 2"، بعد طرحه على أحد المنصات الإلكترونية خلال ايام عيد الفطر.

العريان قال في تصريحاته مع " et بالعربي"، إن الهجوم على الفيلم مبالغ فيه جدًا، وإنه فيلم اجتماعي دراما، بيركز على تفاصيل العلاقة بين راجل ومراته بشكل مختلف، مش زي ما البعض فهم من كام لقطة في الإعلان، وأكد إن مفيش جرأة بالشكل اللي اتقال خالص.

وقال كمان: "المشاهد كلها بين ست وجوزها، وحتى مشهد الرقص مفيهوش حاجة، ست وجوزها قاعدين في البيت وهي بترقص له، في كام واحدة رقصت ولبست بدلة رقص في السينما لراجل أو لجوزها، وإحنا نقلنا قصة حب بين بطلين".

وضح كمان إنه مينفعش الحكم على العمل من خلال التيزر، لأن أي إعلان بيبقى معمول علشان يشد الانتباه مش أكتر، ومش بيعكس الصورة الكاملة للقصة أو الشخصيات، وده اللي خلى ناس تاخد انطباع غلط من البداية.