بعد فترة هدوء نسبي، تستقبل دور العرض السينمائي فيلمين مختلفين خلال الشهر الحالي، هتنعش بيهم الحركة السينمائية، استعدادًا لفترة توهج فنية ومهرجانات على الأبواب.

الفيلمين هما:

"عاشق" 11 سبتمبر

أحداث الفيلم بتدور في إطار تشويقي رومانسي لايت، بيجسد أحمد حاتم شخصية طبيب معالج للإدمان، وبتقدم أسماء أبو اليزيد دور فتاة بتقع في طريق الإدمان، الأمر اللي بيورطها في جريمة قتل.

بيضم العمل كريم قاسم، محسن محيي الدين ونجوم أكتر، من تأليف محمود زهران، وإخراج عمرو صلاح.

"عنب" 19 سبتمبر

بتدور أحداث فيلم "عنب" في إطار كوميدي، عن ليلة توديع العزوبية، وإتمام زواج أبطال الفيلم، وبتكشف إيه اللي بيحصل في الليلة دي بشكل كوميدي.

بيشارك في بطولة الفيلم عدد كبير من الفنانين، وهم: آيتن عامر، إسلام إبراهيم، محمود الليثي، نور قدري، توني ماهر، محمود حافظ، وعدد من ضيوف الشرف منهم: محمد رضوان، لطفي لبيب، محمود حافظ، سامي مغاوري، حسام داغر، والفيلم قصة أمين جمال ومحمد محرز، وتأليف يوسف سالم وأحمد سالم، وإخراج أحمد نور.