"على فكرة اللي بنحبهم دول مش هما بس الحبيب والحبيبة، ممكن يكون الأب، الأم، الأخت، السديك"، جملة رقيقة شهيرة قالتها رقية أو ليلى علوي في فيلم "حب البنات"، خلتنا وقعنا في غرام الفيلم أكتر، ويمكن تكون واحدة من الأسباب اللي بتخلينا بنرجع نتفرج على الفيلم كل فترة.
وعلشان كده وأكتر، قررت سينما زاوية تعرض يوم عيد الحب، 14 فبراير اللي جاي، فيلم "حب البنات" على شاشتها الساعة 7:00 بالليل، وده بعد ٢٠ سنة من عرضه الأول في السينما، بجانب حلقة نقاشية بعد العرض مع السيناريست والكاتب تامر حبيب.
قصة الفيلم بتدور حول 3 أخوات غير شقيقات، الظروف بتفرض عليهم يعيشوا مع بعض في بيت واحد لمدة سنة، علشان يقدروا يحصلوا على الميراث حسب وصية الأب، ومن هنا بنتعرف على قصة كل واحدة فيهم، وبنشوف حكايتهم مع الحب.
الفيلم بطولة ليلى علوي، وأشرف عبدالباقي، وحنان ترك، وخالد أبو النجا، وأحمد عز، وهنا شيحة، ﺗﺄﻟﻴﻒ نهاد عبدالعزيز محمود، سيناريو وحوار تامر حبيب، وﺇﺧﺮاﺝ خالد الحجر.
زاوية أعلن نفاذ تذاكر عرض الفيلم يوم 14، وقررت تعيد عرضه يوم 18 فبراير، تقدروا تحجزوا من هنا.
