أعلن رئيس مهرجان الغردقة لسينما الشباب، السيناريست محمد الباسوسي، عن إضافة برنامج جديد هيعرض عدد من أفلام السينما المصرية لأول مرة ضمن فعاليات الدورة الثانية للمهرجان، المقرر انطلاقها في الفترة من 19 لـ 25 سبتمبر الجاي.

المهرجان هيعرض مشروع تخرج المخرج هاني لاشين،  بفيلمن الأول "مع مرتبة الشرف" والثاني فيلم "القارب" اللي جمعه بالفنان الراحل عمر الشريف، إنتاج عام 1980 بعد تخرجه في المعهد.

وعن كواليس فيلمه مع عمر الشريف، بيحكي هاني لاشين: "كنت بجهز لفيلم، وكان الفنان الكبير عمر الشريف لسه راجع من الخارج، وقررت وأنا شاب في بداياتي، أخبط على بابه وأطلب منه المشاركة في الفيلم، ولاقيته مرحب ومتحمس جدًا".

قال كمان، إن في أول أيام التصوير اتفاجئ بتواجد عمر الشريف في البلاتوه قبل ميعاد التصوير المحدد بساعتين، وعجبه الفيلم واتحمس نشتغل سوا تاني في فيلم "أيوب" و"الأراجوز" .