زي النهارده اتولد واحد من أصدق المخرجين اللي عرفتهم السينما المصرية.. خيري بشارة! وده ليه؟ لأنه عمره ما كان بيعمل فيلم علشان يتشاف وخلاص، من كابوريا لآيس كريم في جليم.. خيري بشارة ما كانش بيصور أفلام، ده كان بيصور روح جيل.
وعلشان نحتفل بيه بطريقتنا، اخترنالكوا 5 أفلام من اللي علموا فينا وسابوا ذكرى ما تتنسيش:
قشر البندق
بيحكي قصة مسابقة طعام مثيرة للجدل، اتعملت في فندق لتنشيط السياحة الداخلية، ولكن بعد ما كنت للنزلاء اتحولت لجذب الفقراء.
آيس كريم في جليم
يعتبر أرشيف بصري لفترة التسعينات خيري بشارة في الفيلم ده وثق القاهرة زي ما هي: بشوارعها، كافيهاتها، محطاتها، حتى سطوحها، صور لنا مدينة تحقيق الأحلام، وساب بصمة موضة وستايل شباب التسعينات من غير ما يقصد.
كابوريا
بيقدم قدم الصراع الطبقي بشكل غير مباشر، بيحكي عن حسن هدهد (أحمد زكي)، ملاكم فقير عايش في حارة بسيطة، بيدخل عالم الأغنياء اللي بيستضيفوه كنوع من التسلية.
أمريكا شيكا بيكا
خيري بشارة بيسخر من حلم الهجرة اللي واكل دماغنا من التسعينات لحد دلوقتي، مجموعة شباب بيدوروا على الجنة في أمريكا، بس الطريق ليها مش دايمًا بالطيارة، كوميديا سوداء خفيفة.
حرب الفراولة
فراولة بائعة ورد في الشوارع، بيقع في حبها حمامة بائع التفاح، بيقعدوا في حيرة بين اختيار السعادة ولا المال؟