بدأ صناع فيلم "الفيل الأزرق 3" بطولة كريم عبد العزيز رسميًا تصوير أول مشاهد العمل، في خطوة انتظرها الجمهور من وقت طرح الجزء التاني، خاصة مع النجاح الكبير اللي حققته السلسلة على مدار السنين.
وكشف المستشار تركي آل الشيخ عن انطلاق التصوير بوست نشره على فيسبوك، مؤكدًا إن الفيلم هيتم طرحه خلال موسم صيف 2027.
ويرجع كريم عبد العزيز من جديد بشخصية الدكتور يحيى راشد، الشخصية اللي ارتبط بيها الجمهور من أول جزء، وسط توقعات إن الجزء الجديد يشهد أحداث أكتر غموض وتشويق، خصوصًا بعد النهاية المفتوحة نسبيًا للجزء السابق.
وبيشارك في تقديم الجزء الثالث نفس فريق النجاح اللي قدم الأجزاء السابقة، بحيث هيتولى أحمد مراد كتابة الفيلم، بينما يعود مروان حامد للإخراج، أما الأبطال هيكون من ضمنهم نيللي كريم ودينا الشربيني.
