أيام وهتستقبل دور العرض السينمائي في مصر والدول العربية، دفعة جديدة من الأفلام بقصص وحكاوي وأبطال جداد، تفاصيل الأفلام اللي من المقرر مشاهدها خلال شهر ديسمبر هتعرفوها من السطور الجاية.

"الحريفة"

أعلن المنتج طارق الجنايني عن طرح فيلم "الحريفة 2" تحت اسم الريمونتادا، في دور العرض يوم 4 ديسمبر في مصر و5 ديسمبر في الوطن العربي، الفيلم بطولة جماعية بين نور خالد النبوي، كزبرة، أحمد غزي، سليم الترك، نور إيهاب، بالإضافة لعدد كبير من ضيوف الشرف، منهم: آسر ياسين، أحمد فهمي، تأليف إياد صالح وإخراج كريم سعد.

الحريفة هيدخلوا الجامعة لأول مرة في حياتهم، كمان هنشوفهم بيرجعوا للعب كرة القدم، وبينضم ليهم حريفة جداد داخل الفريق من الجنسين.

"المستريحة"

حددت الشركة المنتجة لفيلم "المستريحة" يوم 18 ديسمبر الجاي، لطرحه في نفس الوقت بمصر والدول العربية، من النجمة ليلي علوي، بيومي فؤاد، محمد رضوان، محمد محمود، مصطفي غريب، محمود الليثي، تأليف مشترك بين "أحمد عبدالقوي وأحمد أنور وأسامة حسام الدين وأحمد سعد والي، وإخراج عمرو صلاح.

بعد 20 سنة من الهروب، بترجع المحتالة الشهيرة شاهيناز المرعشلي لمصر، لاستعادة ماسة ثمينة دفنتها قبل هروبها، وبتكتشف في النهاية أنها كانت ضحية أول عملية نصب في حياتها.

"الهنا اللي أنا فيه"

أعلن المنتج زيد الكردي عن ميعاد طرح فيلم "الهنا اللي أنا فيه"، والمقرر في 18 ديسمبر الجاي، بيشارك في البطولة كريم محمود عبد العزيز، دينا الشربيني، ياسمين رئيس، مريم الجندي، حاتم صلاح، من تأليف أيمن، وإخراخ خالد مرعي.