أعلن الفنان رامز جلال من خلال حسابه الرسمي على إنستجرام، عن طرحه فيلمه الجديد "أخي فوق الشجرة"، النهارده 18 يناير في دور العرض السينمائي، وبكده يكون أول الأفلام المنافسة في موسم أفلام أجازة نص السنة.

فاتعالوا نقولكم شوية معلومات عنه: 

1-الفيلم اتعرض لعدة تأجيلات، لأسباب متعلقة بتأخيرات في مرحلة المونتاج، رغم الانتهاء بالفعل من تصوير مشاهده بالكامل.

2- تم طرح البوستر الدعائي الرسمي للفيلم في يوليو اللي فات، ولكن الفيلم نازل بأكتر من بوستر جديد، بيكشف تفاصيل أكتر عن الشخصيات.

3- اسم الفيلم في البداية كان "نصي الحلو"  واتغير لـ "أخي فوق الشجرة"، والفيلم جمهور عام.

4- بيظهررامز خلال الأحداث بشخصيتين تؤام، واحد منهم انطوائي عايش حياته بطريقة صحية منظمة، بيكتشف فجأة إنه ليه أخ فاحياته بتقلب بشكل كوميدي.

5- بيشارك رامز جلال البطولة، عدد من الفنانين منهم، نسرين طافش، تارا عماد، حمدي الميرغني، ويزو، محمد ثروت، ونجوم أكتر، بجانب عدد من ضيوف الشرف،  من تأليف لؤي السيد، وإخراج محمود كريم.