بتستعد دور العرض المصرية، لعرض فيلم فريد من نوعه بعنوان "سنو وايت"، بنشوف خلاله رحلة فتاة قصيرة القامة في مواجهة تحديات الحياة، وكمان بنشوفها إزاي بتواجه كل ده من خلال تقبلها لنفسها؛ مش بس كده، الفيلم بيقدم رسالة قوية عن تقبل الذات وتحدي الأفكار التقليدية والتنمر، ويعتبر الأول عالميًا في تقديم فتاة قصيرة القامة في دور البطولة.
1- الفيلم بيحكي عن "إيمان"، بنت مصرية قصيرة القامة، بتحاول تلاقي حب حقيقي وبتواجه تحديات بسبب معايير الجمال التقليدية، بتبدأ تستخدم مواقع التواصل الاجتماعي والتعارف على الإنترنت، علشان تعبر عن نفسها بحرية، وبنشوف كمان عن قرب حياة قصيرات القامة شكلها إيه!
2- بيضم الفيلم مجموعة من الفنانين منهم: مريم شريف، محمد ممدوح، كريم فهمي، محمد جمعة، خالد سرحان، ونجوم أكتر، كتابة وإخراج تغريد أبو الحسن.
3- "سنو وايت" اتعرض لأول مرة في مهرجان البحر الأحمر السينمائي في دورته الرابعة، وفازت مريم شريف بجائزة أفضل ممثلة عن دورها في الفيلم.
4- بطلة الفيلم مريم شريف، هي أصلًا دكتورة صيدلانية درست في الجامعة الألمانية في برلين، وأقنعتها مخرجة العمل للمشاركة في بطولة الفيلم، ويعتبر أول تجاربها في الأفلام الطويلة.
