الساحل الشمالي السنة دي على موعد مع واحد من أقوى مهرجانات الصيف، بعد ما أعلنت "تيكت مارشيه" عن تفاصيل مهرجان ليالي مراسي 2025، واللي هيتعمل كل يوم سبت في شهر يوليو على مسرح Address Beach Resort في قرية مراسي.
المهرجان بيبدأ أول حفلاته يوم 5 يوليو، بحفل يجمع النجم رامي صبري مع بهاء سلطان، وده بس البداية، يوم 12 يوليو الجمهور على معاد مع صوت آمال ماهر واللبناني وليد توفيق، ويوم 19 يوليو هتكون ليلة مختلفة مع روبي والنجم أحمد سعد، أما الختام فـ هيكون نار يوم 26 يوليو بحضور نانسي عجرم وحكيم.
وفي مفاجأة لسه مش مؤكدة بشكل رسمي، إن عمرو دياب ممكن يفتتح المهرجان يوم 4 يوليو.
أسعار التذاكر بتبدأ من 3000 جنيه وبتوصل لحد 8000 جنيه حسب الفئة، والحجز متاح دلوقتي من خلال مواقع بيع التذاكر المعروفة. (من هنا)