الفنانة أميرة أديب كشفت في لقاء جديد عن تفاصيل من حياتها الشخصية، وقالت إنها من صغرها بتحب الغناء والمزيكا والرقص، وإنها بتحاول تقدم فن يعبر عنها هي، مش اللي الناس متعودة تشوفه أو اللي "تريند".

أميرة حكت كمان إنها واجهت فترات صعبة جدًا بسبب التنمر اللي اتعرضت له على السوشيال ميديا، وقالت بالنص: "كنت متدمرة نفسيًا واتشتمت كتير، وكنت بعيط كل يوم بسبب الكلام اللي بيتقال عني."

وعن أغنيتها الأخيرة "أحمد"، أوضحت إنها مش بتتكلم عن قصة حب زي ما الناس افتكرت، لكن الأغنية معمولة عن الناس اللي بتروج شائعات وكلام غلط عنها، وقالت إن "أحمد" هو اسم رمزي مش شخص حقيقي، وإن المنتج بتاعها اسمه أحمد وناس كتير فسرت ده غلط.

وأكدت أميرة إنها ما عملتش أي عملية تجميل في مناخيرها رغم إن في ناس ضغطت عليها تعمل كده، وقالت: "ربنا خلقني كده وأنا بحب نفسي زي ما أنا.. ما رضيتش أغير شكل مناخيري عشان الناس."

واختتمت كلامها إنها دلوقتي بقت أقوى ومبقتش تسيب كلام الناس يأثر فيها، وإنها مركزة على الفن اللي بتحبه وتعايز تمشي فيه بطريقتها الخاصة.