عبرت النجمة أنغام عن سعادتها بغناء تتر مسلسل "فاتن أمل حربي"، بطولة نيللي كريم وشريف سلامة.

وقالت أنغام في مداخلة هاتفية مع برنامج "التاسعة" المذاع على التلفزيون المصري، إنها محظوظة بتترات المسلسلات اللي غنتها، وإن ربنا كرمها باختيارها علشان تغني في أعمال مهمة، زي مسلسل "العائلة" و"حديث الصباح والمساء".

وصفت أنغام أغنيتها "أنا مش ضعيفة" بـ "الملهمة"، وقالت إن إحساسها الشخصي إن المسلسل هيغير حاجه الفترة الجاية.

ووضحت كمان إنها دايمًا بتدعم المرأة المظلومة في أغانيها، وعلقت: "لازم نبقى مع الستات اللي بيمروا بظروف قاسية ونبقى جنبهم ونعبر عنهم".

الأغنية من تأليف الكاتب مدحت العدل، وألحان أحمد العدل، وتوزيع موسيقي نادر حمدي.