إمبارح الفنانة دينا الشربيني فاجأت الهضبة عمرو دياب، بحفلة عيد ميلاده الـ 58. قبل يومين من ميعاده. وحضرتله حفلة شيك على مركب نيلي فاخر، عزمت فيه أصدقائهم القريبين بس.
يوم 11 أكتوبر بقى يوم مش عادي في حياة دينا، وبقالها 3 سنين بتفاجئ الهضبة فيه بشكل مختلف عن كل سنة. في حفلة السنة دي حطت صورهم في كل مكان في المركب، كمان كل الترابيزات كان عليها صورهم مع بعض. أغاني الهضبة الجديدة والقديمة كانت شغالة طول الحفلة، وطفوا الشموع على نغمات أغنية قمرين. أبناء عمرو دياب الأربعة غابوا عن الاحتفال، وده ملحوظ في يوم عيد ميلاده كل سنة. دايمًا بنلاقي دينا هي المتصدرة المشهد في يوم زي ده.
حضر الحفلة أصدقائهم من النجوم، ومنهم ياسمين رئيس، تامر حبيب، أحمد السعدني، تامر مرسي، المطرب خالد سليم، الفنان عمرو يوسف وزوجته كندة علوش، الفنان أحمد داود وزوجته علا رشدي، عمرو منسي الرئيس التنفيذي لمهرجان الجونة.
نسيبكم مع الصور:
