في خطوة استناها كتير من جمهورها في مصر والوطن العربي، لمحت المطربة آمال ماهر لرجوعها مرة تانية للغناء، بعد ما كانت أعلنت الاعتزال والبعد عن الوسط الفني كله في شهر يونيو اللي فات.

وقالت "آمال" في "تويتة" نشرتها إمبارح على تويتر، إن جمهورها وحشها أوي، ووعدتهم بإنها هتكون بينهم قريب، لإن ده مكانها اللي بتستمد منه الحب.

قرار اعتزال آمال ماهر، كان صادم للفنانين وصناع الموسيقى والجمهور، وكتير منهم حاولوا يقنعوها تغير رأيها لكنها صممت، ووضحت وقتها إنها هتبعد لظروف خارجة عن إرداتها، وبعد إعلانها فسخ خطوبتها بـ٢٤ ساعة.