من كام يوم، الفنان الكبير محمد منير، تعرض فجأة لوعكة صحية، وتوجه للمستشفى فورا عشان يعمل الفحوصات ويبدأ العلاج.
الموضوع ده كان مفاجأة لجمهوره، خصوصًا إنهم كانوا منتظرين حفلته يوم 16 أغسطس 2025 في مهرجان العلمين الجديدة!
ونشر الحساب الرسمي للفنان على وسائل التواصل الاجتماعي بوست قال فيه: "أنا بخير، لكن لظرف صحي طارئ اضطرينا نأجل الحفل"، وإنه حالياً بيتلقى العلاج وإن شاء الله يكمل تسجيل أغاني الألبوم الجديد لما يتحسن.
وفي تصريح من رامي جمال، اللي كان من المفترض يغني مع الكينج في نفس يوم الحفلة، وقال: “الحفل ماينفعش يتعمل من غير الكينج، ولازم يتأجل لحد ما نطمن على صحة العبقري والقيمة العظيمة، واعتذر للجمهور اللي كان محضر نفسه للحفلة".
كمان إدارة مهرجان العلمين نزلت منشور رسمي بتقول فيه كلام زي: “الحفل اتأجل وتمنياتنا بالشفاء العاجل للكينج”، وده أكد موقف الجميع من الأزمة.
رغم الأزمة، محمد منير وعد جمهوره بإنه لسه شغال على ألبومه الجديد، وفي أغاني تم طرحها الفترة الأخيرة زى “أنا الذي” و"الذوق العالي" مع تامر حسني، وكمان أغنية "ملامحنا" اللي عملت ضجة الصيف ده.
سلامتك يا كينج.
