أعلنت إدارة مهرجان VS-FILM للأفلام القصيرة عن تكريم الفنانة حنان مطاوع في افتتاح الدورة الثانية من المهرجان، اللي هتنطلق يوم 2 لـ 6 نوفمبر الجاي في العين السخنة.

التكريم جاي بعد ما أحدث أفلامها "عيد ميلاد سعيد" اترشح لتمثيل مصر في مسابقة الأوسكار، الفيلم كمان هيتم عرضه في مهرجان الجونة كـ فيلم الافتتاح.

وعبرت حنان عن سعادتها بالتكريم، خصوصًا إنه مهرجان سينمائي نوعي ومخصص للأفلام القصيرة جدًا، وإنها بتحب النوع ده جدًا لأنها شايفة إنه الكتابة والتنفيذ فيه صعبين جدًا.